Post of the day!

The Snake and the Earthworm: When the Crowd Becomes the Judge

Image
Saanp Aur Kenchua Saanp hai, ki kenchua, iski pehchaan karne ke liye bheed ikatthi ho gayi. Koi kahe saanp hai, koi kahe kenchua... hadkamp sa mach gaya. Saanp kehne wale zyada the, aur kenchua kehne wale kam. Agar woh saanp saabit hota, toh maara jaata, aur kenchua saabit hota, toh shayad baksh diya jaata. Koi use lakdi ke tukde se, toh koi kaagaz ke tukde se idhar-udhar kar raha tha, aur woh zameen par pade lapete kha raha tha, aur shayad woh zor-zor se chilla raha tha ki, "Main saanp nahi hoon, main kenchua hoon!" Par bheed kahaan kisi ki sunti hai, woh toh swarthi ya majboor hoti hai. Maine bhi kaha, "Yeh toh kenchua hai, saanp nahi hai," aur apni baat saabit karne ke liye use haathon se uthaana chaaha, par kisi ne mere haath kheench liye. Main majboor tha. Halla badh hi raha tha ki bheed mein se kisi ne usko apne laal-kaale chappalon se masal diya, aur jeet ka jashn manaane laga. Use laga, usne nyaay kar diya hai. Main bas dekhta reh gaya. Halla shaant ho gaya,...
Post a Comment

Literature & Communication: Parampara Se Digital Culture Tak



एक creative illustration जिसमें open book, historical figures, cultural symbols और leaves से निकलती communication lines smartphones, laptop और digital media तक पहुँचती हैं।

Literature & Communication: Parampara Se Digital Culture Tak


Yeh pehli baar tha jab university mein aane ke baad koi program hone wala tha. Yeh karyakram do dinon ka tha. Karyakram ka sheershak tha ‘Prerna’, jo Vishwavidyalaya evam Nirala Srijanpeeth Sahitya Akademi, Madhya Pradesh Sanskriti Parishad, Madhya Pradesh Shasan, Sanskriti Vibhag dwara aayojit kiya gaya.


Karyakram mein sammilit hone wale mukhya atithiyon mein Doctor Shri Ram Parihar, jo ek prasiddh lalit nibandhkar hain, aap kai puraskaron se navaaze ja chuke hain. Doctor Vikas Dave ji, jo ki Sahitya Akademi Madhya Pradesh ke nideshak hain aur achhe baal sahityakar bhi hain. Shri Rakesh Sharma ji, jo Veena patrika ke sampadak hain, aur Shrimati Rita Singh ji, jo ki prasiddh lekhika hain.


Jis din se is karyakram ke baare mein pata chala, humne taiyariyan shuru kar di. Saare mehmaan pehle hi aa chuke the aur guest room mein thahre the. Hum sab aur hamare ek senior subah ke naashte ki vyavastha karne wahan gaye aur naashte ki vyavastha karwayi aur khud bhi kiya.


Guest house mein Shri Ram Prasad Baiga ji ki pratima thi. Tabhi Shri Ram Parihar ji hum sab ko bulakar hamare department aur phir Shri Ram Prasad Baiga ji ke baare mein poochhte hain, par hum mein se koi bhi unke baare mein nahi jaanta tha. Yeh baat ekdum chhoti si thi, par badi thi ki kis tarah hum apne itihaas aur apne sahitya ko nazarandaaz kar dete hain. Khaaskar tab bhi, jab woh hamari nazron ke saamne hota hai. Chunki is report ka sheershak “Sahitya kis tarah se hamare sanchar ka hissa hai” hai, toh inhi do divaseeya program ke nishkarshon ki charcha karenge.


Sahitya aur itihaas mein zara sa antar hota hai. Jahan ek or itihaas tathyon par aadharit hota hai, wahin sahitya poornatah tathyatmak na hokar kalpanatmak aur bhavnaon se bhara hua hota hai, aur yahi baat sahitya ko khoobsurat bana deti hai.


Is communication aur technology ke yug mein humne cheezon ko dekhne, sochne aur samajhne ka nazariya badal diya hai. Aisa lagta hai ki hum jaise saagar ke uthale bhaag mein bhatak rahe hain aur uski gehraai jaanne ki koshish hi nahi karte hain. Aur yahi chinta is do divaseeya karyakram ke dauraan un chintakon ki baaton mein nazar aa rahi thi.


Sahitya humein jodna sikhata hai. Yeh humein nazariya deta hai ki hum duniya ko kitni gehraai aur kitne tareekon se dekh sakte hain. Sahitya un chhoti-chhoti cheezon ko bhi samajhna sikhata hai, jinhein hum nazarandaaz kar dete hain.


Vaastavik baat karein toh aaj ke samay mein hum apni sanskriti aur apni bhasha ko bachaane ki baat karte hain aur kai log is par gambhir bhi hain, par vaastav mein in vishayon ke maayne vartamaan mein badal diye gaye hain. Aisa lagta hai ki ye vishay bas kehne ke liye aur raajneetik maamlon ke liye hain. Aap kisi aise vyakti se poochhkar dekhiye jo sanskriti ke naam par chilla raha ho, toh usse poochhiye ki aap apni peechhe chhootti sanskriti mein kya-kya bachaana chahte hain? Unke paas koi logical jawaab nahi hoga, aur yahi kaaran hai ki humne apni sanskriti aur parampara ki achhi cheezon ko bhi peechhe chhod diya hai. Aur itihaas ke liye bhi bahut saari galtiyan paal rakhi hain.


Vaastav mein prashn yeh hai ki hum apni sanskriti, apne itihaas aur apne sahitya se seekhte kya hain aur aage kya badhaate hain.


Maine kai pratibhaagiyon ko dekha, jo door-door se aaye hue the aur apni rachnayein suna rahe the. Unhein dekhkar laga ki sahitya toh sabka hai. Kshamata, akshamata, achhi rachna-kharaab rachna se iska koi taalluk nahi hai. Sabhi apne ras mein doobe the aur santusht the.


Vaastav mein main sahitya ke baare mein itna nahi jaanta, jitna jaanana chahiye, ya yun kahein ki main kuchh bhi nahi jaanta. Par vaataavaran ko dekhkar andaaza lagaaya ja sakta hai ki samaaj mein kis tarah ka sahitya panap raha hai. Ya phir kahein ki woh kis tarah se badal gaya hai, aur yahi badlaav maine kuchh pratibhaagiyon ki veer ras ki kavitaon mein dekha. Aur roz dekhta hi rehta hoon.


Ek itihaas tha, jab humein zaroorat thi veer ras ki, aur veer ras se bhare sahitya bhi bahut achhe lagte the. Aur aaj bhi inhein padhke rom sihar uthte hain. Main yeh nahi kehta ki veer ras ki zaroorat nahi honi chahiye. Zaroorat hai, par aaj ke samay ke hisaab se. Veer ras aisa ho, jo humein motivate kare. Vaastav mein aajkal veer ras ki kavitaayein hinsaatmak lagti hain, jo aaj ke samay ke liye sahi nahi hain.


Aur baat tab aur bigadne lagti hai, jab hum apne faisle bhi isi hisaab se karne lagte hain, jab itihaas ki ladaaiyon se seekh lene lagte hain aur phir jurm ke liye mrityudand maangne lagte hain.


Aaj ka yuva veer ras se itna prabhaavit hai ki iska namoona social media mein dekh sakte hain, ki kis tarah shaant rehne wale devi-devtaon ko background mein veer ras ka gaana lagakar raudra dikhaya jaata hai. Aur aise kai udaaharan hain, jo hum dekh sakte hain. Aur is baat ko nakaar bhi nahi sakte ki yeh hamari parivartansheel sanskriti ka hissa banta ja raha hai.


Itihaas ke saath-saath sahitya bhi chalta jaata hai aur yeh sanchar har peedhi mein hota rehta hai. Vaastav mein humein zaroorat hai ki hum is sanchar ko kis tarah aage badhaayein, taaki sahitya behtar se behtar hota jaaye.






Comments

Post a Comment

Popular posts from this blog

Disconnected Journalism: The Absence of Passion and Core Values in Modern Media Professionals

Image
Disconnected Journalism: The Absence of Passion and Core Values in Modern Media Professionals     Objectives: To examine how modern journalism is becoming disconnected from society and the communities it covers. To analyze the decline of passion, empathy, and ethical commitment among some media professionals. To explore how political influence, economic pressure, and journalism education contribute to this disconnect. To discuss the growing focus on sensationalism, clickbait, and personal fame in journalism. To highlight the importance of empathy and social awareness in responsible reporting. To explain how disconnected journalism can increase misinformation, stereotypes, polarization, and public mistrust. To argue that journalism education should focus not only on technical skills but also on ethics, integrity, and public service. To encourage future journalists to reconnect with society and see journalism as a responsibility rather than only a career. In recent years, journa...
CONTINUE»

The Displaced Cradle: A Comprehensive Analysis of the Kashmiri Pandit Exodus

Image
  The Displaced Cradle: A Comprehensive Analysis of the Kashmiri Pandit Exodus Objectives of the Blog To explain the historical background of the Kashmiri Pandit exodus and its connection to the larger Kashmir conflict. To examine the identity, social position, and cultural importance of the Kashmiri Pandit community in the Kashmir Valley. To analyze the role of Kashmiriyat and how social, economic, and political tensions weakened communal harmony. To study the political events, especially the 1987 elections, that contributed to the rise of militancy in Kashmir. To understand the atmosphere of fear, violence, and insecurity that led to the mass departure of Kashmiri Pandits in 1990. To examine the role of militant groups, Pakistan, the Indian government, and local political leaders in the crisis. To explore the difference between the terms “migration” and “exodus” and why this distinction matters. To analyze the long-term psychological and emotional effects ...
CONTINUE»

The Core Values of Journalism: Lessons in Life and Integrity

Image
The Core Values of Journalism: Lessons in Life and Integrity Objectives: To explain how common sense helps journalists make practical decisions and identify what truly matters in a story. To show why flexibility is necessary in journalism, especially in changing situations, deadlines, and unexpected events. To examine the importance of being a good judge and finding the “middle truth” between opposing viewpoints. To connect the values of journalism with everyday life and personal character. To explore how journalism teaches qualities like resilience, humility, balance, and integrity. To argue that journalism is not only a profession but also a way of understanding and living in the world. To encourage journalism students to develop ethical thinking, critical judgment, and adaptability. The article’s main ideas—truth, fairness, judgment, independence, and adaptability—closely align with major journalism ethics frameworks used globally.  Common Sense: The Qu...
CONTINUE»